Հունգարական MOL նավթագազային ընկերությունը հայտարարել է  այլընտրանքային ճանապարհով ռուսական նավթ մատակարարելու իր առաջին պայմանագրերի ստորագրման մասին։

Դա կիրականացվի ծովով դեպի Խորվաթիա, հետագա տարանցմամբ՝ դեպի Հունգարիա։

Հունգարիայի արտաքին գործերի նախարար Պետեր Սիյարտոն պարզաբանել է, որ հում նավթը մարտին կհասցվի վերամշակման գործարաններ։

«MOL-ը պատվիրել է առաջին խմբաքանակները, որոնք արդեն ճանապարհին են։ Դրանք մարտի սկզբին կհասնեն խորվաթական նավահանգիստ, իսկ այնտեղից՝ 5-10 օրվա ընթացքում, նավթը կտեղափոխվի Հունգարիայի և Սլովակիայի վերամշակման գործարաններ», - նշել է հունգարացի քաղաքական գործիչը։

Փետրվարի 13-ին Սիյարտոն հայտարարել է, որ Ուկրաինան արգելափակել է ռուսական նավթի մատակարարումն իր երկիր «Դրուժբա» խողովակաշարով՝ խորհրդարանական ընտրություններից առաջ Հունգարիայի կառավարության համար դժվարություններ ստեղծելու նպատակով։