Միացյալ Նահանգները, Արաբական Միացյալ Էմիրությունները և Իսրայելը անցկացրել են տեխնոլոգիական և տնտեսական համագործակցության վերաբերյալ իրենց առաջին եռակողմ բանակցությունները, հայտնել էր ԱՄՆ պետքարտուղարի՝ տնտեսական աճի, էներգետիկայի և շրջակա միջավայրի հարցերով տեղակալ Ջեյքոբ Հելբերգի խոսքով։

«Այսօր Միացյալ Նահանգները, Իսրայելը և ԱՄԷ-ն անցկացրել են իրենց առաջին եռակողմ տնտեսական բանակցությունները «Pax Silica»-ի երկրորդ գագաթնաժողովում։ <...> «Pax Silica»-ն ցույց է տալիս, որ համատեղ մատակարարման շղթաները ստեղծում են համատեղ տնտեսական անվտանգություն», - գրել է Հելբերգն X-ում։

«Pax Silica»-ն ԱՄՆ նախաձեռնություն է, որը նպատակ ունի ստեղծել կիսահաղորդիչների, կարևորագույն հանքանյութերի, էներգետիկայի և արհեստական բանականության տեխնոլոգիաների նորարարական արտադրական և մատակարարման շղթաներ։ Դաշինքը ներառում է Եվրոպական Միությունը, Մեծ Բրիտանիան, Ավստրալիան, Հնդկաստանը, Իսրայելը, ԱՄԷ-ն, Կորեայի Հանրապետությունը, Ճապոնիան, Կատարը և մի շարք այլ խոշոր տնտեսություններ։