Իրանի կողմից Ադրբեջանի և Թուրքիայի դեմ հրթիռների արձակումը երբեք չպետք է տեղի ունենար, ասել է Թուրքիայի Մեծ Ազգային ժողովի արտաքին հարաբերությունների հանձնաժողովի նախագահ Ֆուատ Օկտայը։

Պաշտոնյայի խոսքով՝ հետաքննվում է, թե ով է պատվիրել Իրանից Ադրբեջանի և Թուրքիայի դեմ հրթիռների արձակումը։

«Մենք հաճախակի քննարկում ենք այս հարցը Ադրբեջանի հետ։ Իրանի կողմից Ադրբեջանի և Թուրքիայի դեմ հրթիռների արձակումը երբեք չպետք է տեղի ունենար։ Ադրբեջանն ու Թուրքիան այն երկրներից են, որոնք ամենաշատն են հայտարարում այս պատերազմն անիմաստ։ Լրջորեն ուսումնասիրվում է նաև սադրանքի հնարավորությունը, քանի որ Իրանը ոչ մի օգուտ չի ստացել այս երկու երկրներին հարձակվելուց։ Մասուդ Փեզեշկիանը նաև հայտարարել է, որ այս հարձակումները Իրանի կողմից չեն իրականացվել...»,- նշել է Օկտայը։

Խորհրդարանականի խոսքով՝ հայտնի է, որ հրթիռը արձակվել է Իրանի տարածքից, և որ գուցե իրանցի է սեղմել կոճակը, սակայն «գլխավորը պարզելն է, թե ով է պատվիրել այս կոճակը»։