Իրանը 80%-ով պակաս հրթիռներ է արձակել, քան Իսրայելն ակնկալել է, գրել է Ynet-ը։

Պատերազմից առաջ հրեական հետախուզությունը գնահատել էր, որ Թեհրանը օրական մոտ 150 հրթիռ կարձակի Իսրայելի վրա։ Իսրայելի պաշտպանության բանակի և ԱՄՆ բանակի համատեղ հարվածները հանգեցրել են արձակումների թվի զգալի կրճատման։

Շաբաթ օրը պատերազմի սկսվելուց ի վեր Իրանից Իսրայելի վրա արձակվել է մոտ 200 հրթիռ։ Պատերազմից առաջ Իսրայելն ակնկալել է, որ Իրանն օրական մոտ 150 հրթիռ կարձակի, և նրա անվտանգության համակարգը պատրաստվել է հենց այդ սցենարին։ 

Սա ցույց է տալիս Իսրայելի պաշտպանության բանակի և ԱՄՆ բանակի կողմից Իրանի բալիստիկ հրթիռների ծրագրի վրա համատեղ հարձակման ժամանակ հասցված զգալի վնասը։ Իսրայելի վրա արձակված 200 հրթիռներից բացի, Իրանը Մերձավոր Արևելքի այլ թիրախների վրա արձակել է ևս մոտ 300։

Պատերազմի սկզբից ի վեր Իսրայելը և Միացյալ Նահանգները միասին ավելի քան 8500 զինամթերք են արձակել Իրանում թիրախների վրա, իսկ միայն Պենտագոնը՝ մոտ 2700։