Русский
Նեղոս գետը մի փոքր ավելի է դատարկվում, քան պետք է լիներ, ասել է ԱՄՆ նախագահ Դոնալդ Թրամփը Եգիպտոսի նախագահ Աբդել Ֆաթթահ աս-Սիսին հետ երկկողմ հանդիպմանը Ֆրանսիայի Էվիան քաղաքում ընթացող «Մեծ յոթնյակի» գագաթնաժողովի շրջանակներում։
- Եթովպիայում ամբարտակ է կառուցվել, և դա հսկայական խնդիրներ է առաջացնում Եգիպտոսի համար։
- Երեկ երեկոյան ընթրիքի ժամանակ նկատեցի, որ դուք շրջապատված էիք աշխարհի բոլոր առաջնորդներով։ Նրանք ձեզ մի պահ անգամ չթողեցին վայելել ձեր ընթրիքը։
- Ոչ ոք չգիտի, թե դա ինչ է, բայց դա շատ ուժեղ գործարք է [Իրանի հետ]։ Մարդկանց մեծ մասը, կարծես, շատ գոհ է։ Այլընտրանքը կլինի համաշխարհային ճգնաժամը։ Հիմար մարդիկ ուզում են ունենալ համաշխարհային ճգնաժամ։ Նրանք հիմար մարդիկ են։
- Ոչ, դա կեղծ է [300 միլիարդ դոլարի ֆոնդ Իրանի համար]։ Մենք ներդրումներ չենք կատարում։ Մարդիկ կարող են որոշել դա անել, բայց դա իրենցից է կախված։
- Տեքստը վերջնական չէ. դա փոխըմբռնման հուշագիր է։ Եթե ինձ դուր չգա, մենք կվերադառնանք նրանց գլխին ռումբեր նետելուն: Եթե նրանք լավ չվարվեն, մենք անմիջապես կվերադառնանք ռումբեր նետելուն։
- Իրանցիները ծիծաղեցին Օբամայի վրա և ասացին՝ «Նա հիմար շան որդի է»։