Իրանը մերժել է ԱՄՆ նախագահ Դոնալդ Թրամփի` հրադադարի առաջարկը, որը Թեհրանին փոխանցել էր Իրաքի վարչապետ Ալի ալ-Զաիդին, հաղորդում է «The New York Times»-ը՝ հղում անելով իրանցի և իրաքցի պաշտոնյաների։

Ըստ թերթի՝ ալ-Զաիդիի միջնորդությունը հաջորդել է Սպիտակ տուն վերջերս կատարած այցին, որտեղ նա հանդիպել էր Թրամփի հետ։ Ամերիկյան առաջարկի մանրամասները չեն հրապարակվել։ Սակայն, ըստ իրանցի պաշտոնյաների, դա քննարկվող միակ նախաձեռնությունն է եղել։ Թեհրանը մերժել է այն, քանի որ հետաքրքրված չի եղել Հորմուզի նեղուցի վերահսկողության հարցը չլուծող ժամանակավոր համաձայնագրով։

Ավելին, Իրանի արտաքին գործերի նախարար Աբբաս Արաղչին նախկինում իրանական պետական ​​հեռուստատեսությամբ հայտարարել էր, որ ալ-Զաիդին Թեհրանին է փոխանցել Վաշինգտոնի դիրքորոշումը հնարավոր հրադադարի վերաբերյալ։ Ըստ արտաքին գործերի նախարարի՝ համաձայնագրի կնքմանը խոչընդոտում է ոչ թե միջնորդների բացակայությունը, այլ ԱՄՆ-ի «անտրամաբանական, չափազանց պահանջկոտ և գերիշխանության ձգտող» մոտեցումը։