Այս ձմռանը Եվրամիության երկրները կարող են բախվել մինչև 14 միլիարդ խորանարդ մետր բնական գազի պակասուրդի, ինչը կազմում է տարեկան պահանջարկի մոտ 7%-ը։ Այս կանխատեսումը ներկայացրել է Էներգետիկ տնտեսագիտության և ֆինանսական վերլուծության ինստիտուտը (IEEFA), գրել է Politico-ն։

Ըստ ինստիտուտի զեկույցի՝ պատճառների թվում են էներգակիրների համաշխարհային մատակարարման խափանումները՝ կապված Իրանի մասնակցությամբ հակամարտության հետ, սպառման աճը և եվրոպական պահեստարաններում պաշարների ցածր մակարդակը։ Հոկտեմբերի սկզբի դրությամբ պահեստարանները լցված էին 70%-ից մի փոքր ավելի, ինչը տարվա այս ժամանակահատվածի համար ամենացածր ցուցանիշն է՝ 2011 թվականին տվյալների գրանցման սկզբից ի վեր։ Գազի գները մոտեցել են վերջին չորս տարվա առավելագույն մակարդակին։

Հնարավոր պակասուրդը համարժեք է 10–12 միլիոն եվրոպական տնային տնտեսությունների էներգիայով ապահովելու համար անհրաժեշտ ծավալին։ Եթե ԵՄ-ին չհաջողվի ապահովել այլընտրանքային մատակարարումներ, սպառողները կարող են ստիպված լինել կիրառել խնայողության լրացուցիչ միջոցներ։

Գազի փոխանցման համակարգի օպերատորների եվրոպական ցանցի (ENTSOG) կանխատեսումը, որին հղում է կատարում պարբերականը, ցույց է տալիս, որ եթե հեղուկացված բնական գազի (ՀԲԳ) մատակարարումները սահմանափակ լինեն, իսկ ձմեռը՝ ցուրտ, պահեստարաններում պաշարների մակարդակը կարող է իջնել մինչև 11%-ի։ Ձմռան ավարտին պաշարները մինչև 30% վերականգնելու համար անհրաժեշտ կլինի կրճատել գազի սպառումը պահանջարկի 7%-ին համարժեք ծավալով։

Լրացուցիչ գործոն է ռուսական ՀԲԳ-ի գծով երկարաժամկետ պայմանագրերի արգելքը, որը պետք է ուժի մեջ մտնի հունվարին։ IEEFA-ի գնահատմամբ՝ սա կարող է կրճատել ներկրումը ևս 7 միլիարդ խորանարդ մետրով։

2026 թվականի հունվարին ԵՄ երկրները պահեստարաններից դուրս են բերել 22,6 միլիարդ խորանարդ մետր գազ՝ նախորդ տարվա 18,8 միլիարդի և 2024 թվականի հունվարի 17,8 միլիարդի համեմատ։ Ներկայիս գներով Հ