ԱՄՆ-ն հակաիրանական պատժամիջոցներ է սահմանել վեց անհատների, 21 կազմակերպությունների և մեկ նավի նկատմամբ, հայտարարել է ԱՄՆ ֆինանսների նախարարությունը։

Սա այս շաբաթվա ընթացքում ԱՄՆ-ի կողմից հակաիրանական պատժամիջոցների կիրառման երկրորդ դեպքն է։

Ուրբաթ օրը պատժամիջոցների են ենթարկվել վեց անհատներ (ներառյալ Չինաստանի մեկ քաղաքացի)։ Սահմանափակումներ են կիրառվել նաև 21 կազմակերպությունների, այդ թվում՝ չինական ընկերությունների նկատմամբ։

Պանամական դրոշի ներքո նավարկող New Fusion տանկերը նույնպես պատժամիջոցների է ենթարկվել։