Русский
Վենեսուելան և ԱՄՆ-ն համաձայնել են վերականգնել դիվանագիտական և հյուպատոսական հարաբերությունները երկու կողմերի միջև երկխոսությունից հետո, հայտարարել է արտաքին գործերի նախարար Իվան Խիլ Պինտոն։
«Վենեսուելան հայտարարում է, որ Ամերիկայի Միացյալ Նահանգների իշխանությունների հետ հաստատված դիվանագիտական երկխոսությունից հետո երկու կառավարություններն էլ որոշել են վերականգնել իրենց դիվանագիտական և հյուպատոսական հարաբերությունները», - գրել է Խիլն իր Telegram ալիքում։
Ուղերձին կից հաղորդագրության մեջ Կարակասը վերահաստատել է իր պատրաստակամությունը սկսելու «կառուցողական երկխոսության նոր փուլ» Վաշինգտոնի հետ՝ հիմնված փոխադարձ հարգանքի, պետությունների ինքնիշխան հավասարության և ժողովուրդների միջև համագործակցության սկզբունքների վրա։ «Այս գործընթացը կնպաստի փոխըմբռնման ամրապնդմանն ու կբացի դրական հարաբերությունների և փոխադարձ օգուտի հնարավորություններ։ Այս հարաբերությունները պետք է նպաստեն վենեսուելացի ժողովրդի սոցիալական և տնտեսական բարեկեցությանը», - ասվում է հայտարարության մեջ։
Կարակասը նշել է, որ ԱՄՆ-ի հետ կապերի վերականգնումը ուղեկցվում է վենեսուելացիների միջև ներքին քաղաքական երկխոսությամբ՝ ուղղված խաղաղ համակեցության և ազգային ներդաշնակության ամրապնդմանը։