ԱՄՆ նախագահ Դոնալդ Թրամփը հունվարի 16-ին հայտարարել է, որ ոչ ոք չի փորձել համոզել իրեն չհարվածել Իրանին։

«Ոչ ոք չի փորձել համոզել ինձ։ Ես ինքս եմ ինձ համոզել», - լրագրողներին ասել է Թրամփը։

Նա պատասխանել է այն հարցին, թե արդյոք արաբական և իսրայելական իշխանությունները փորձել են համոզել իրեն չհարվածել Իրանին։

Թրամփն ասել է, որ իր որոշման վրա «ուժեղ ազդեցություն է ունեցել» այն փաստը, որ Իրանի իշխանությունները չեղարկել են հունվարի 15-ին նախատեսված ավելի քան 800 կախաղան։

AFP-ն հունվարի 15-ին հայտնել էր, որ Սաուդյան Արաբիան, Կատարը և Օմանը համոզել են Թրամփին հրաժարվել Իրանի վրա հարձակումից։ Այս մասին գործակալությանը հայտնել է սաուդյան մի պաշտոնյա։ Իրանի պաշտոնյաները հայտնել էին, որ Թրամփը Թեհրանին տեղեկացրել է, որ չի հարձակվելու երկրի վրա։