ՀՀ էկոնոմիկայի նախարարությունից հայտնում են՝ նախարար Գևորգ Պապոյանը վարչապետ Նիկոլ Փաշինյանի հետ ներկա է եղել Mining Armenia Forum 2026-ին։ Ֆորումը համախմբել է հանքարդյունաբերության և հարակից ոլորտների շուրջ 50 խոսնակների՝ միջազգային հանքարդյունաբերական ընկերությունների և ֆինանսական հաստատությունների ներկայացուցիչների, ներդրողների, քաղաքականություն մշակողների, կայունության ոլորտի փորձագետների, տեխնոլոգիական մատակարարների, ակադեմիական շրջանակների և քաղաքացիական հասարակության ներկայացուցիչների։