ԱՄՆ նախագահ Դոնալդ Թրամփն ասել է, որ խոսել է Ռուսաստանի նախագահ Վլադիմիր Պուտինի հետ։

«Ես կցանկանայի տեսնել այս պատերազմի ավարտը։ Ես խոսել եմ նախագահ Պուտինի հետ։ Ես կցանկանայի տեսնել այս պատերազմի ավարտը», - ասել է Թրամփը լրագրողներին Տեխաս մեկնելուց առաջ Սպիտակ տան մոտ։

Հանրապետականը չի նշել, թե երբ են նախագահները խոսել։

Կրեմլը հայտնել է երկու առաջնորդների միջև վերջին հեռախոսազրույցի մասին դեկտեմբերի 28-ին։ Հաջորդ օրը՝ դեկտեմբերի 29-ին, ՌԴ նախագահի մամուլի քարտուղար Դմիտրի Պեսկովը հայտարարել էր, որ երկու առաջնորդների միջև նոր հեռախոսազրույց կկայանա «մոտ ապագայում»։ Սակայն փետրվարի 25-ին Պեսկովը հայտարարել է, որ նոր զրույց նախատեսված չէ։

Նույն օրը Թրամփը զրուցել էր Ուկրաինայի նախագահ Վլադիմիր Զելենսկու հետ։ Քաղաքական գործիչները կեսժամյա հեռախոսազրույց են ունեցել։ ԱՄՆ նախագահի հետ զրույցի ընթացքում Զելենսկին հույս էր հայտնել, որ Ռուսաստանի և Ուկրաինայի միջև հակամարտությունը կավարտվի «մեկ ամսվա ընթացքում»։