Վենեսուելայի ընդդիմության առաջնորդ Մարիա Կորինա Մաչադոն հայտնել է իր մտերիմ դաշնակից Խուան Պաբլո Գուանիպայի անհետացման մասին, ով անհայտ անձանց կողմից բռնի կերպով առևանգնվել է:

Նրա տեղափոխման վայրը հայտնի չէ։

Միջադեպը տեղի է ունեցել քաղաքական գործչի՝ կալանքից պաշտոնապես ազատ արձակվելուց կարճ ժամանակ անց՝ կառավարության կողմից քաղաքական ճնշումը մեղմելու ջանքերի շրջանակներում, հաղորդել է «Associated Press»-ը:

Մաչադոյի խոսքով՝ առևանգումը տեղի է ունեցել կեսգիշերի մոտ՝ մայրաքաղաքի բնակելի թաղամասում: Հարձակվողները գործել են համակարգված և ագրեսիվ ձևով՝ օգտագործելով հատուկ մեքենաներ՝ ընդդիմության առաջնորդի շարժը խոչընդոտելու համար:

Խուան Պաբլո Գուանիպան մի քանի ականավոր ընդդիմադիր գործիչներից մեկն է եղել, որոնց կառավարությունը կիրակի օրն ազատ էր արձակել երկարատև կալանքներից հետո, որոնք միջազգային հանրության կողմից համարվել էին քաղաքական հետապնդում: 

Գուանիպայի ճակատագիրը մնում է անհայտ, և Կարակասի պաշտոնյաները չեն մեկնաբանել գիշերային միջադեպը: