Ջերմաստիճանի բարձրացման բացակայության դեպքում դողի զգացողությունը կարող է առաջանալ որոշակի վիտամինների պակասի կամ հորմոնալ անհավասարակշռության պատճառով, ասել է Ընտանեկան բժիշկ Նադեժդա Չերնիշովան «Մոսկվա 24»-ին։

Ըստ նրա՝ երբեմն այս զգացողությունը կարող է առաջանալ գերծանրաբեռնվածության և սթրեսի, կամ խիստ դիետաների պատճառով, որոնք օրգանիզմում կալորիաների դեֆիցիտ են առաջացնում։ Ավելին, դողն ու սառը ձեռքերը կարող են նստակյաց աշխատանքի հետևանք լինել, քանի որ մարդը օրվա ընթացքում քիչ է շարժվում։

Այս դեպքերում ռեժիմի փոփոխությունը կարող է օգնել մեղմել անհարմարությունը։ Օրինակ, կարևոր է բավարար քնել, թեթևացնել սթրեսն ու զբաղվել ֆիզիկական գործունեությամբ։

«Բայց եթե այս ամենը չի օգնում, դուք պետք է դիմեք բժշկի, քանի որ դողը կարող է նաև լինել ձեր մարմնում առկա որևէ խնդրի նշան։ Օրինակ՝ D, B12 վիտամինների և երկաթի անբավարարություն», - զգուշացրել է Չերնիշովան։

Բժիշկն ընդգծել է, որ սա կարող է լինել հորմոնալ անհավասարակշռություն. օրինակ՝ վահանաձև գեղձի հորմոնների անբավարար արտադրության դեպքում այս զգացողությունը հաճախ առաջանում է աշխատունակության կորստի և թուլության հետ մեկտեղ։