Ամանորյա տոների ժամանակ շատ մարդիկ մասնակցում են կորպորատիվ միջոցառումների և տարբեր խնջույքների, որտեղ չափից շատ ալկոհոլ են օգտագործում: Այնուամենայնիվ, կարևոր է հիշել, որ նման ըմպելիքները բացասաբար են անդրադառնում օրգանիզմի առողջության վրա, այդ թվում՝ սրտն, kp.ru-ին տված հարցազրույցում զգուշացրել է Սեչենովի համալսարանի անհատականացված սրտաբանության ինստիտուտի տնօրեն, բժշկական գիտությունների դոկտոր, պրոֆեսոր և սրտաբան Ֆիլիպ Կոպիլովը:

«Բժիշկներն ունեն հատուկ տերմին՝ տոնական սրտի համախտանիշ: Սրանք սրտանոթային համակարգի հետ կապված խնդիրներ են, որոնք հիմնականում առաջանում են ալկոհոլի չափից շատ օգտագործումից», - բացատրել է մասնագետը:

Նա նշել է, որ այս համախտանիշը հատկապես վտանգավոր է հիպերտոնիայով, սրտի իշեմիկ զարկերակների խնդիրներով և սրտի իշեմիկ հիվանդությամբ տառապող հիվանդների համար: Սակայն նույնիսկ լիովին առողջ մարդիկ 40-45 տարեկանում հաճախ ունենում են թաքնված անոթային նեղացում: Բժշկի խոսքով՝ քնի ապնոեն և ավելորդ քաշը նույնպես սրում են իրավիճակը:

Սրտաբանը բացատրել է, որ սրտի ռիթմի խանգարումը կարող է հայտնաբերվել հանկարծակի, արագ և անկանոն սրտի բաբախյուններով: Բացի այդ, այս խնդիրն ունեցողները կարող են զգալ շնչառության պակաս, թուլություն, գլխապտույտ և կրծքավանդակի ճնշող ցավ։