Русский
Գերմանիայի կանցլեր Ֆրիդրիխ Մերցը հայտնել է հեռախոսազրույցի մասին ԱՄՆ նախագահ Դոնալդ Թրամփի հետ, ով այսօր վերադարձել է Չինաստանից։
Իրանի հետ պատերազմի շուրջ շաբաթներ տևած վեճերից, ամերիկյան զորքերը դուրս բերելու սպառնալիքներից և առևտրային անհամաձայնություններից հետո Մերցը զրույցը որակել է «լավ»։
«Մենք միասնական ենք. Իրանը պետք է հիմա նստի բանակցությունների սեղանի շուրջ։ Այն պետք է բացի Հորմուզի նեղուցը։ Թեհրանը չպետք է միջուկային զենք ունենա», - գրել է Մերցն X-ում։
Իրանից բացի, Մերցն ու Թրամփը քննարկել են Ուկրաինայում պատերազմի հնարավոր լուծումն ու համակարգումը Թուրքիայում կայանալիք ՆԱՏՕ-ի գագաթնաժողովից առաջ։