Գրգռված աղիքի համախտանիշով, լակտոզայի անհանդուրժողականությամբ կամ լակտոզայի անբավարարությամբ տառապող մարդիկ պետք է խուսափեն կաթով սուրճ խմելուց, «Պոդմոսկովյե Սեգոդնյա» առցանց հրատարակությանն ասել է թերապևտ Անաստասիա Լոզիկովան։

Նա զգուշացրել է, որ չպետք է ըմպելիքը խմել դատարկ ստամոքսին։

Կաթ ավելացնելը նվազեցնում է ըմպելիքի թթվայնությունը և այն ավելի մեղմ է դարձնում ստամոքսի լորձաթաղանթի համար։ Սակայն ակտոզայի անհանդուրժողականությամբ, գրգռված աղիքի համախտանիշով կամ լակտոզայի անբավարարությամբ տառապող մարդկանց մոտ կաթնամթերքի հավելումները կարող են առաջացնել փքվածություն, ցավ և անհարմարություն։

Բժիշկն ընդգծել է, որ դատարկ ստամոքսին սուրճով կաթ խմելը կարող է խթանել օրգանիզմում աղաթթվի չափազանց արտադրությունը։ Այս ըմպելիքի չարաշահումը, իր հերթին, կարող է մեծացնել ռեֆլյուքսը, վատթարացնել գաստրիտը և մեծացնել անհանգստությունը։