Հոկտեմբերի 30-ին կատարցի միջնորդները վերադարձել են Թեհրան՝ շարունակելու Իրանի և Միացյալ Նահանգների միջև հակամարտության կարգավորմանն ուղղված բանակցությունները․ գրել է Reuters-ը՝ վկայակոչելով իր աղբյուրները։

Բանակցային գործընթացը և կատարական կողմի դիրքորոշումը համաձայնեցվել են ԱՄՆ-ի հետ։ Այլ մանրամասներ չեն հաղորդվում։

Ավելի վաղ կատարցի միջնորդները Իրանին էին ներկայացրել համաձայնագրի նոր նախագիծ, որը նպատակ ուներ թուլացնել տարածաշրջանային հակամարտության լարվածությունը։ Մասնավորապես, առաջարկը նախատեսում էր, որ երկու կողմերն էլ քայլեր ձեռնարկեն «վստահության ամրապնդման» ուղղությամբ։

Փետրվարի 28-ին ԱՄՆ-ն և Իսրայելը ռազմական գործողություն սկսեցին Իրանի դեմ։ Հունիսին Վաշինգտոնն ու Թեհրանը ստորագրեցին փոխըմբռնման հուշագիր, որը նախատեսում էր ռազմական գործողությունների անհապաղ դադարեցում բոլոր ճակատներում, այդ թվում՝ Լիբանանում։

Սակայն հուլիսի 8-ի գիշերը ԱՄՆ-ն վերսկսեց լայնածավալ հարվածները Իրանի դեմ՝ մեղադրելով վերջինիս համաձայնագրի պայմանները խախտելու մեջ (մասնավորապես՝ Հորմուզի նեղուցի հետ կապված)։

Հորմուզի նեղուցը կենսական նշանակություն ունեցող ուղի է, որով անցնում է աշխարհում առևտրի շրջանառության մեջ գտնվող նավթի մոտ 25%-ը և հեղուկ բնական գազի (ՀԲԳ) մոտ 20%-ը։ Դրանից հետո ԱՄՆ վարչակազմը փաստացի ազդարարեց Իրանի դեմ լայնածավալ ռազմական ուժի կիրառման ավարտը՝ փոխարենը անցնելով երկիրը պատժամիջոցների միջոցով տնտեսապես խեղդելու փորձերին։