Русский
Ռուսաստանի գեղասահքի եռակի չեմպիոն Ադելիա Պետրոսյանը սոցիալական ցանցերում հայտարարել է, որ լքում է մարզիչ Էթերի Տուտբերիձեի խումբը։
«Այս որոշումը հեշտ չէր ինձ համար։ Ես լքում եմ իմ մարզչական անձնակազմը։ Իմ խորին շնորհակալությունն եմ հայտնում Էթերի Գեորգիևնային, Դանիիլ Մարկովիչին և Սերգեյ Վիկտորովիչին՝ մեր միասին անցկացրած ճանապարհի համար։ Շնորհակալություն զարմանալի ծրագրերի, մեր բոլոր հաղթանակների և ձեզ հետ աշխատելով ձեռք բերված հսկայական փորձի համար։ Ես անսահման հարգանք ունեմ ձեզ նկատմամբ և գնահատում եմ այն ամենը, ինչ դուք արել եք ինձ համար։ Թող ամեն ինչ լավ լինի ձեզ և ձեր մարզիկների համար», - գրել է Պետրոսյանը Instagram-ում:
19-ամյա Պետրոսյանը մասնակցել է Իտալիայում փետրվարին կայացած Ձմեռային օլիմպիական խաղերին և զբաղեցրել է վեցերորդ տեղը։ Նա նաև Ռուսաստանի Գրան պրիի եզրափակչի եռակի հաղթող է։