Իրանում Ռաշտ-Աստարա երկաթուղու կառուցումը, որը Հյուսիս-Հարավ միջազգային տրանսպորտային միջանցքի մաս է կազմում, հետաձգվել է Մերձավոր Արևելքում հակամարտության պատճառով, «Վեդոմոստի»-ին տված հարցազրույցում ասել է Ռուսաստանում Իրանի դեսպան Քազեմ Ջալալին։

Երկաթուղու այս հատվածի շինարարությունը սկսելու համաձայնագիրը նախատեսված է եղել ստորագրել ապրիլի 1-ին։ Թեհրանը այս տարի կվերադառնա այս հարցի շուրջ քննարկումներին։

«Մենք համաձայնեցինք ստորագրել այս երկաթուղիների իրականացման գործադիր պայմանագիրը 2026 թվականի ապրիլի 1-ին։ Նրանք [ԱՄՆ-ն և Իսրայելը] սանձազերծեցին այս պատերազմը, և այս պատերազմի պատճառով այս ծրագիրը չկարողացավ իրականացվել։ Սակայն պատերազմը մեզ չի ստիպի ամբողջությամբ հետաձգել այս ծրագիրը։ Այս տարի մենք հույս ունենք իրականացնել պայմանագրի գործադիր մասը»,- մեջբերել է Ջալալիի խոսքերը «Վեդոմոստի»-ն։

Նրա կարծիքով` աշխարհաքաղաքական իրավիճակի պատճառով առաջացած ժամանակավոր սահմանափակումները հաստատում են լոգիստիկ ենթակառուցվածքներ կառուցելու և նոր երթուղիներ հիմնելու անհրաժեշտությունը։

«Այս համատեքստում հիմնական ուշադրությունը կենտրոնացած է Հյուսիս-Հարավ միջազգային տրանսպորտային միջանցքի ամրապնդման վրա, որը կարող է ավելի ակտիվորեն նպաստել երկու երկրների միջև առևտուրին՝ ինտեգրելով երկաթուղային, ճանապարհային և ծովային երթուղիները»,- ընդգծել է Իրանի դեսպանը։