Երեք հույն հրշեջ է մահացել Կրետե կղզում և Հունաստանի հարավում բռնկված անտառային հրդեհների մարման ժամանակ, հայտնել է Հունաստանի հրշեջ ծառայությունը։

Ծայրահեղ շոգը խոչընդոտում է Հարավային Եվրոպայում մոլեգնող հրդեհների մարման ջանքերին, գրել են ԶԼՄ-ները։

Ատլանտյան օվկիանոսի ափից մինչև արևելյան Միջերկրական ծով և Շոտլանդական լեռնաշխարհից մինչև հարավային Իսպանիա ձգվող կատաղի հրդեհների ալիքը մտահոգել է մասնագետներին, քանի որ հրդեհների մեծ մասը դուրս է եկել վերահսկողությունից և այրվում է բնակեցված տարածքների մոտ, գրել է «The Guardian»-ը։

Կլիմայական ճգնաժամի պատճառով սրված ջերմաստիճանը չորեքշաբթի օրը Ֆրանսիայի Բորդո քաղաքում հասել է 38 աստիճան Ցելսիուսի, որտեղ հրշեջները կանխել են մոտակա սոճու անտառներում բռնկված զանգվածային հրդեհի տարածումը դեպի արվարձաններ։ Եվ 37 աստիճան Ցելսիուսի է հասել Մադրիդում, որից արևմուտք, ըստ Ներքին գործերի նախարար Ֆեռնանդո Գրանդեի, Իսպանիայի պատմության մեջ գրանցված ամենամեծ անտառային հրդեհը «տեխնիկապես կայունացել է»։

Տասնյակ ցամաքային խմբերի հաջողվել է գիշերը զսպել Մադրիդում բռնկված հրդեհը, հայտնել են տարածաշրջանային արտակարգ իրավիճակների ծառայությունները չորեքշաբթի առավոտյան, սակայն Վալենսիայի մոտակայքում մեկ այլ հրդեհ, որտեղ ջերմաստիճանը հասնում է 32 աստիճան Ցելսիուսի, մնում է վերահսկողությունից դուրս։