Սառը պատերազմի հաղթանակի էյֆորիան մեզ տարավ վտանգավոր մոլորության, որ մենք մտանք «պատմության վերջ», որ յուրաքանչյուր ազգ այժմ կլինի լիբերալ ժողովրդավարություն... որ մենք այժմ կապրենք սահմաններից զուրկ աշխարհում, որտեղ բոլորը կդառնան աշխարհաքաղաքացիներ, ասել է ԱՄՆ պետքարտուղար Մարկո Ռուբիոն Մյունխենի անվտանգության համաժողովում։

Ըստ Ռուբիոյի՝ սա հիմար գաղափար էր, որը «անտեսում էր ինչպես մարդկային բնույթը, այնպես էլ 5000 տարվա գրանցված մարդկային պատմության դասերը»։

- Սահմաններից զուրկ աշխարհի հետապնդմամբ մենք բացեցինք մեր դռները զանգվածային միգրացիայի աննախադեպ ալիքի առջև, որը սպառնում է մեր հասարակությունների համախմբվածությանը, մեր մշակույթի շարունակականությանը և մեր ժողովրդի ապագային։

- Ամերիկայի Միացյալ Նահանգները կրկին կստանձնի վերանորացման ու վերականգնման խնդիրը՝ առաջնորդվելով այնպիսի ապագայի տեսլականով, որը նույնքան հպարտ է, որքան ինքնիշխան, և նույնքան կենսական, որքան մեր քաղաքակրթության անցյալը։ Եվ չնայած մենք պատրաստ ենք, անհրաժեշտության դեպքում, դա անել միայնակ, մեր նախընտրությունն է, և մեր հույսն է, դա անել ձեզ հետ միասին՝ մեր ընկերների հետ այստեղ՝ Եվրոպայում։

- Միացյալ Նահանգների և Եվրոպայի համար մենք միասին ենք։ Ամերիկան ​​հիմնադրվել է 250 տարի առաջ, բայց դրա արմատները սկսվել են այստեղ՝ այս աշխարհամասում, դրանից շատ առաջ։ Մարդիկ, ովքեր բնակություն են հաստատել և կառուցել են իմ ծննդավայրը, ժամանել են մեր ափեր՝ իրենց նախնիների հիշողությունները, ավանդույթները և քրիստոնեական հավատքը որպես սրբազան ժառանգություն տանելով՝ անխզելի կապ Հին և Նոր Աշխարհի միջև։ Մենք մեկ քաղաքակրթության մասն ենք կազմում՝ արևմտյան քաղաքակրթության։ Մենք միմյանց հետ կապված ենք ամենախորը կապերով, որոնք ազգերը կարող են կիսել, որոնք կերտվել են դարավոր համատեղ պատմության, քրիստոնեական հավատքի, մշակույթի, ժառանգության, լեզվի, նախնիների և մեր նախնիների կողմից միասին կատարված զոհաբերությունների շնորհիվ։

- Մենք խորապես հոգ ենք տանում ձեր [Եվրոպայի] և մեր ապագայի մասին։ Եվ եթե երբեմն մենք համաձայն չենք, մեր տարաձայնությունները բխում են Եվրոպայի նկատմամբ խորը մտահոգությունից, որին մենք կապված ենք ոչ միայն տնտեսապես, ոչ միայն ռազմական առումով։ Մենք կապված ենք հոգևոր և մշակութային առումով։ Մենք ուզում ենք, որ Եվրոպան ուժեղ լինի։ Մենք հավատում ենք, որ Եվրոպան պետք է գոյատևի, քանի որ անցյալ դարի երկու մեծ պատերազմները ծառայում են որպես պատմության մշտական ​​​​հիշեցում։ Վերջին հաշվով, մեր ճակատագիրը միահյուսված է և միշտ կլինի ձեր ճակատագրի հետ։

- Ապաարդյունաբերականացումը անխուսափելի չէր։ Դա գիտակցված քաղաքական ընտրություն էր տասնամյակներ տևած տնտեսական ձեռնարկում, որը զրկեց մեր ազգերին իրենց հարստությունից և ուժից։ Զանգվածային միգրացիան ոչ չէր և ոչ էլ որևէ փոքր նշանակություն ունեցող երկրորդական մտահոգություն է։ Դա եղել է և շարունակում է մնալ ճգնաժամ, որը վերափոխում և անկայունացնում է Արևմուտքի հասարակությունները։ Միասին մենք կարող ենք ոչ միայն վերադարձնել մեր սեփական արդյունաբերությունների և մատակարարման շղթաների վերահսկողությունը, այլև բարգավաճել այն ոլորտներում, որոնք կսահմանեն 21-րդ դարը։ Բայց մենք պետք է նաև վերականգնենք մեր ազգային սահմանների վերահսկողությունը։ Սա քսենոֆոբիայի արտահայտություն չէ։ Սա ատելություն չէ։ Սա ազգային ինքնիշխանության հիմնարար գործողություն է, և դա չանելը պարզապես մեր ժողովրդի նկատմամբ մեր ամենահիմնական պարտականություններից մեկից հրաժարում չէ։ Սա մեր հասարակությունների կառուցվածքին և մեր քաղաքակրթության գոյատևման առջև կանգնած հրատապ սպառնալիք է։

- Մենք կարիք չունենք հրաժարվելու մեր հեղինակած միջազգային համագործակցության համակարգից, և կարիք չունենք քանդելու հին կարգի համաշխարհային ինստիտուտները, որոնք մենք միասին կառուցել ենք։ Բայց դրանք պետք է բարեփոխվեն։ Դրանք պետք է վերակառուցվեն։ Օրինակ, Միավորված Ազգերի Կազմակերպությունը դեռևս ունի հսկայական ներուժ՝ աշխարհում բարու ուժ լինելու համար։ Բայց մենք չենք կարող անտեսել այն փաստը, որ այսօր մեր առջև ծառացած ամենահրատապ հարցերի վերաբերյալ այն իրական պատասխաններ չի առաջարկել և գործնականում ոչ մի դեր չի խաղացել։ Այն չկարողացավ հանգուցալուծել Գազայի պատերազմը։ Փոխարենը, հենց ամերիկյան ղեկավարությունն էր, որ ազատագրեց գերիներին բարբարոսներից և նպաստեց փխրուն զինադադարի հաստատմանը։ Այն չկարողացավ Ուկրաինայի հանգուցալուծել  պատերազմը։ Պահանջվեց ամերիկյան առաջնորդություն՝ և գործընկերություն այսօր այստեղ ներկայացված շատ երկրների հետ՝ պարզապես երկու կողմերին սեղանի շուրջ բերելու համար՝ դեռևս անհասանելի խաղաղության որոնման նպատակով։

- Մենք չենք կարող շարունակել թույլ տալ, որ նրանք, ովքեր ակնառու կերպով ու բացահայտորեն սպառնում են մեր քաղաքացիներին և վտանգում են համաշխարհային կայունությունը, պաշտպանվեն միջազգային իրավունքի աբստրակցիաների ետևում, որոնք իրենք են պարբերաբար խախտում։ Սա այն ուղին է, որը Թրամփը և Միացյալ Նահանգներն ընտրել են։ Սա առաջ շարժվելու ուղին է։ Մենք ձեզ այստեղ՝ Եվրոպայում, խնդրում ենք միանալ մեզ։ Սա այն ուղին է, որը մենք նախկինում միասին ենք անցել և հույս ունենք կրկին միասին քայլել։

- Մենք չենք ուզում, որ մեր դաշնակիցները կապված լինեն մեղքի և ամոթի զգացումով։ Մենք ուզում ենք դաշնակիցներ, որոնք հպարտ են իրենց մշակույթով և ժառանգությամբ... Մենք շահագրգռված չենք Արևմուտքի կառավարվող անկման քաղաքավարի և կարգապահ խնամակալներ լինելով։ Մեզ՝ ամերիկացիներիս համար մեր տունը կարող է լինել Արևմտյան կիսագնդում, բայց մենք միշտ կմնանք Եվրոպայի զավակը։ Եվ ես այսօր այստեղ եմ՝ հստակեցնելու, որ Ամերիկան ​​ուրվագծում է բարգավաճման նոր դարի ուղին, և որ մենք կրկին ուզում ենք դա անել ձեզ հետ՝ մեր սիրելի դաշնակիցների և մեր ամենահին ընկերների հետ միասին։

- Երեկվա օրն ավարտվեց։ Ապագան անխուսափելի է, և մեր համատեղ ճակատագիրը սպասում է։