Ռուսաստանն ու Չինաստանը պատրաստ են համագործակցել ամբողջ աշխարհում գործընկերների, այդ թվում՝ Միացյալ Նահանգների հետ, հայտարարել է ՌԴ նախագահ Վլադիմիր Պուտինը։

ՏԱՍՍ-ը հրապարակել է  Ռուսաստանի և Չինաստանի համատեղ հայտարարությունների հիմնական կետերը։

- Համատեղ հռչակագրում Ռուսաստանի և Չինաստանի առաջնորդները նշել են համաշխարհային գործերում «ջունգլիների օրենքին» վերադառնալու վտանգը։

- Աշխարհում չկան «առաջին կարգի» երկրներ կամ ժողովուրդներ. ցանկացած ձևով հեգեմոնիզմն անընդունելի է։

- Անընդունելի է ինքնիշխան երկրներին չեզոքությունից հրաժարվելու հարկադրելը։

- Բոլոր ինքնիշխան պետություններն ունեն անվտանգության հավասար իրավունք։

- Ռուսաստանն ու Չինաստանը դեմ են մարդու իրավունքների օգտագործմանը որպես պետությունների ներքին գործերին միջամտելու պատրվակ։

 - Ռուսաստանը և Չինաստանը մտահոգված են Միացյալ Նահանգների և նրա դաշնակիցների ռազմականացմամբ։

- Ռուսաստանը և Չինաստանը դեմ են Լատինական Ամերիկայում և Կարիբյան ավազանում ՄԱԿ-ի կանոնադրությունը խախտող գործողություններին։

- Ռուսաստանը և Չինաստանը աջակցում են Աֆրիկայի անկախությանը և անկախ զարգացմանը։

- Ռուսաստանը և Չինաստանը աջակցում են Սիրիայի ինքնիշխանությանը և ամբողջականությանը՝ կոչ անելով նոր կառավարությանը պայքարել ահաբեկչության դեմ։

- ԱՄՆ-ի և Իսրայելի հարվածներն Իրանին անօրինական են և խաթարում են Մերձավոր Արևելքի կայունությունը։

- Ռուսաստանը գնահատում է Չինաստանի օբյեկտիվ և անաչառ դիրքորոշումը Ուկրաինայի հարցում։

- Ռուսաստանը և Չինաստանը դեմ են Հյուսիսային Կորեայի վրա ճնշմանը։

- Ռուսաստանը և Չինաստանը կապահովեն GLONASS և Beidou նավիգացիոն համակարգերի լրացումը։

- Ռուսաստանը և Չինաստանը Ճապոնիայի արագացված վերառազմականացման քաղաքականությունը համարում են խաղաղության սպառնալիք։

- ՆԱՏՕ-ի ներկայությունն Ասիա-խաղաղօվկիանոսյան տարածաշրջանում անհամատեղելի է խաղաղության ամրապնդման հետ։

- Ռուսաստանը և Չինաստանը մտահոգված են որոշ երկրների բախման հռետորաբանությամբ ու պահանջում են դադարեցնել միջամտությունը իրենց ներքին գործերին։

- Ռուսաստանը և Չինաստանը դեմ են այն աշխարհակարգին վերադառնալուն, որտեղ միայն ուժն է իշխում, և պաշտպանում են ՄԱԿ-ի հեղինակությունը միջազգային գործերում։

- Ռուսաստանը և Չինաստանը կխորացնեն համագործակցությունը ջերմամիջուկային միաձուլման և արագ նեյտրոնային ռեակտորների ոլորտներում։

- Ռուսաստանը և Չինաստանը «առանձին պետությունների» կողմից նավագնացությունը սահմանափակելու գործողությունները համարում են համաշխարհային առևտրի սպառնալիք։

- Ռուսաստանը և Չինաստանը դեմ են միակողմանի պատժամիջոցների և խտրական մաքսային տուրքերի կիրառմանը։

- Պետությունների ղեկավարների քրեական հետապնդումից անձեռնմխելիությունը կայուն միջազգային հարաբերությունների երաշխիք է։

- Ռուսաստանը և Չինաստանը դեմ են ՄԱԿ-ի Անվտանգության խորհրդի հետ չհամաձայնեցված ցանկացած միակողմանի պատժամիջոցների։

- Ռուսաստանը և Չինաստանը դատապարտում են օտարերկրյա պետությունների ակտիվների և գույքի արգելափակման, առգրավման կամ բռնագրավման հետ կապված նախաձեռնությունները։

- Ռուսաստանն ու Չինաստանը կողմ են Ուկրաինայի հակամարտությունը երկխոսության և բանակցությունների միջոցով լուծելուն։