ԱՄՆ-ն և Իսրայելը արդեն 5 շաբաթ ամեն օր հարձակվում են Իրանի վրա, բայց Թեհրանի հրթիռային կայանքների մոտ կեսը մնում է անվնաս, զինանոցում հազարավոր անօդաչու թռչող սարքեր կան, գրել է CNN-ը՝ հղում անելով հետախուզական աղբյուրների։

«Նրանք շարունակում են վճռականորեն տրամադրված լինել իրական քաոս սերմանել ամբողջ տարածաշրջանում»,- Իրանի մասին ասել է մի աղբյուր։

Հրապարակման համաձայն՝ ԱՄՆ հետախուզության գնահատականը կարող է ներառել այն կայանքները, որոնք ներկայումս անհասանելի են, օրինակ՝ հարվածների պատճառով հողի տակ թաղվածները, որոնք չեն ոչնչացել։

Երկու աղբյուրների համաձայն՝ Թեհրանը դեռևս ունի հազարավոր անօդաչու թռչող սարքեր կամ իր ամբողջ զինանոցի մոտավորապես 50%-ը։

Վերջին օրերի հետախուզական տվյալները նաև ցույց են տվել, որ Իրանի ափամերձ պաշտպանության թևավոր հրթիռների զգալի մասը մնացել է անվնաս, ինչը համապատասխանում է այն փաստին, որ Վաշինգտոնն իր օդային արշավը չի կենտրոնացրել ափամերձ ռազմական թիրախների վրա, չնայած որ հարվածել է նավերին։ «Այս հրթիռները Իրանի համար Հորմուզի նեղուցում նավագնացությանը սպառնալու հիմնական միջոց են», - բացատրել է CNN-ը։

Ստացված հետախուզական տվյալները Իրանի կարողությունների ավելի մանրամասն պատկեր են տալիս, քան ԱՄՆ նախագահ Դոնալդ Թրամփի և նրա վարչակազմի կողմից հնչեցված ռազմական հաղթանակի ընդհանուր գնահատականները։