Աբու Դաբիում Ուկրաինայի վերաբերյալ կայացած բանակցությունները պատմական են, ասել է Սպիտակ տան մամուլի քարտուղար Քերոլայն Լեւիտը։

«Այդ բանակցությունների շրջանակներում շաբաթավերջին տեղի ունեցավ բազմակողմ հանդիպում, որը լայնորեն չլուսաբանվեց լրատվամիջոցներում, բայց պատմական նշանակություն ուներ, քանի որ նախագահի [Դոնալդ Թրամփի] թիմը կարողացավ այս հակամարտության երկու կողմերի ներկայացուցիչներին բերել բանակցությունների սեղանի շուրջ՝ խաղաղության հասնելուն մոտենալու համար», - ասել է նա ճեպազրույցի ժամանակ։

Նա հավելել է, որ Թրամփը «շարունակում է խորապես ներգրավված լինել գործընթացում և, իհարկե, իր խորհրդականներից, մասնավորապես՝ Ջարեդ Քուշներից և հատուկ դեսպանորդ Սթիվեն Վիտկոֆֆից, ստանում է թարմացումներ այս բանակցությունների ընթացքի վերաբերյալ»։

Հանդիպման հիմնական թեման տարածքային հարցն է եղել։ ՏԱՍՍ-ը, հղում անելով աղբյուրին, նշել է, որ սա մնում է ամենաբարդ հարցը։ «Ռոյթերսը» նաև հայտնել է, որ այս հարցում առաջընթացի նշաններ չկան։