Իսրայելի պաշտպանության բանակը հայտարարել է, որ Իրանի դեմ փոխադարձ հարվածները կտևեն մի քանի օր։

«Իսրայելի բանակը պատրաստվում է պահեստազորայինների լայնածավալ զորակոչի։ Ակնկալվում է, որ մի քանի պահեստազորային գումարտակներ կզորակոչվեն, և սահմաններին ուժերը կամրապնդվեն՝ հիմնականում Յեհուդայի և Սամարիայի շփման գծի երկայնքով, նաև Հորդանանի հետ սահմանին։ Բացի այդ, այսօր առավոտյան պահեստազորայինների լայնածավալ զորակոչ է սկսվել թիկունքային հրամանատարությունում. փրկարարական և արտակարգ իրավիճակների ուժերը պատրաստ են ժամանել վթարի վայրեր, եթե նման վթար տեղի ունենա, Աստված մի արասցե», - ասվում է հայտարարության մեջ։