Իրանի և ԱՄՆ-ի միջև բանակցությունները մեծ հաջողություն կլինեն, եթե երկրները կարողանան «ուղղորդվել» դեպի 2015 թվականի համաձայնագրին նման գործարքի, հայտարարել է Ռուսաստանի արտքին գործերի նախարար Սերգեյ Լավրովը Լիբիայի արտգործնախարարի պաշտոնակատար Թահեր ալ-Բաուրի հետ հանդիպումից հետո տեղի ունեցած մամուլի ասուլիսի ժամանակ։

«Եթե մեր կողմից աջակցվող բանակցողների՝ իրանցի և ամերիկացի բանակցողների ներկայիս ջանքերից հետո մեզ հաջողվի ուղղորդվել դեպի հենց այդ 2015 թվականի համաձայնագրին ավելի մոտ մի բան, կարծում եմ, դա մեծ հաջողություն կլինի», - ասել է ռուս դիվանագետը։

Ապրիլի 21-ին CNN-ը հաղորդել է, որ ԱՄՆ նախագահ Դոնալդ Թրամփը խոչընդոտում է Իսլամական Հանրապետության հետ բանակցություններին՝ սոցիալական ցանցերում հակասական մեկնաբանություններ հրապարակելով։ Հրատարակությունը շեշտել է, որ Սպիտակ տան գրառումները մեծացրել են գործընթացի շուրջ անորոշության մակարդակը։ Օրինակ՝ Թրամփը հայտարարել է, որ ԱՄՆ փոխնախագահ Ջեյ Դի Վենսը չի մասնակցի Իսլամաբադում իրանական կողմի հետ հանդիպմանը։ Ավելի ուշ պարզվել է, որ նա կգլխավորի ամերիկյան պատվիրակությունը։