Ցուցարարները հրկիզել են 53 մզկիթ, ոչ մի իրանցի նման բան չէր անի, ասել է Իրանի արտաքին գործերի նախարար Աբբաս Արաղչին Թեհրանում օտարերկրյա դեսպանների հետ հանդիպման ժամանակ։

- Հունվարի 8-ից 10-ը մենք նկատել ենք զինված ահաբեկիչների ներկայություն ցուցարարների շրջանում;

- Զինված անձինք կրակ են բացել անվտանգության ուժերի, ոստիկանության և քաղաքացիական անձանց վրա։ Նպատակն է եղել ավելացնել բողոքի ցույցերի ժամանակ զոհվածների թիվը, քանի որ Թրամփն ասել էր, որ կմիջամտի, եթե զոհվածների թիվն աճի։ Նույնիսկ վիրավորներին չեն խնայել և նրանց վրա ուղիղ կրակ են բացել։ Մենք ձայնագրություն ունենք, որտեղ ասվում է, որ կարելի է կրակել ցանկացած մեկի վրա, նույնիսկ ձեր կողքին սովորական մարդկանց վրա;

- Ցույցերի երրորդ փուլ չկա, մենք տեսնում ենք ահաբեկչական հարձակումներ;

- Դեկտեմբերի 28-ից 30-ը մենք նկատել ենք որոշ բողոքի ցույցեր, հիմնականում շուկայական մակարդակում, առևտրականների և տնտեսական ակտիվիստների շրջանում։ Սրանք լիովին խաղաղ ցույցեր էին իրենց կարծիքը արտահայտելու համար, ինչը նրանց բնական իրավունքն էր։ Այդ երեք օրերի ընթացքում ցույցերը խաղաղ էին և հիմնականում տեղի էին ունենում առևտրականների և ձեռնարկատերերի շրջանում, և կառավարությունը երկխոսություն էր վարում նրանց հետ։ Առաջին փուլում ցույցերը սկսեցին մարել, սկսվեց երկխոսություն, և երրորդ օրը ցույցերը գործնականում ավարտվեցին։