- Արաղչին հայտարարել է, որ խորհրդակցությունների վերջին փուլի ձախողման հիմնական պատճառը Միացյալ Նահանգների գործողություններն են

Ռուսաստանի Դաշնության Սանկտ Պետերբուրգ քաղաքում Իրանի արտաքին գործերի նախարար Աբբաս Արաղչին մեկնաբանել է Թեհրանի և Վաշինգտոնի միջև բանակցությունների վիճակը։

Արաղչին հայտարարել է, որ խորհրդակցությունների վերջին փուլի ձախողման հիմնական պատճառը Միացյալ Նահանգների գործողություններն են։ «ԱՄՆ-ի սխալ մոտեցումները և չափազանցված պահանջները նշանակում էին, որ բանակցությունների նախորդ փուլը, չնայած ձեռք բերված առաջընթացին, չկարողացավ ապահովել ցանկալի արդյունքներ»։

- «Հըզբոլլահը» մերժել է Իսրայելի հետ ուղիղ բանակցությունները

Լիբանանյան «Հըզբոլլահ» խմբավորման գլխավոր քարտուղար Նաիմ Քասեմն ասել է, որ կազմակերպությունը «կտրականապես մերժում է» Իսրայելի հետ ուղիղ բանակցությունները։

Նա կոչ է արել Լիբանանի իշխանություններին «հրաժարվել սխալներից», այդ թվում՝ վերադառնալ անուղղակի բանակցություններին ու չեղարկել «դիմադրությունը» քրեականացնելու որոշումը։

Քասեմն ընդգծել է, որ խմբավորումը չի համաձայնի զինաթափմանը։ «Դիմադրության զենքերը նախատեսված են ագրեսիան հետ մղելու և մեր գոյությունը պաշտպանելու համար. մենք չենք հրաժարվի մեր զենքերից և պաշտպանությունից», - հայտարարել է նա։ Գլխավոր քարտուղարը նշել է, որ հրադադարի մասին համաձայնություն է ձեռք բերվել Իրանի շնորհիվ Պակիստանում կայացած բանակցությունների ժամանակ, և շնորհակալություն է հայտնել Իսլամական Հանրապետությանը դրա համար։