Չեմպիոնների լիգայհի հաղթող ֆրանսիական «Պարի Սեն-Ժերմեն» ֆուտբոլային ակումբը երեկ գիշերը հաղթեց Լիբերտադորեսի գավաթակիր բրազիլական «Ֆլամենգո»-ին և նվաճեց Միջմայրցամաքային գավաթը։

Խաղի հիմնական և ավելացված ժամանակներն ավարտվեցին 1-1։ 

11 մետրանոց հարվածաշարում ՊՍԺ-ի դարպասապահ Մատվեյ Սաֆոնովը հետ մղեց 4 հարված, և իր թիմը նվաճեց 2025-ին իր 6-րդ տիտղոսը։

Փարիզյան ակումբը դարձավ 21-րդ դարում տղամարդկանց 3-րդ ակումբը, որը մեկ օրացուցային տարում նվաճեց 6 տիտղոս՝ միանալով 2009 թվականի «Բարսելոնային» և 2020 թվականի «Բավարիային»։