Русский
ԱՄՆ-ի և Իսրայելի հարվածներից Իրանին հասցված վնասը գնահատվել է 270 միլիարդ դոլար, «ՌԻԱ Նովոստի»-ին ասել է Իսլամական Հանրապետության կառավարության խոսնակ Ֆաթեմեհ Մոհաջերանին։
«Նախնական և շատ մոտավոր թվերը ցույց են տալիս, որ վնասը մինչ օրս կազմում է 270 միլիարդ դոլար», - ասել է Մոհաջերանին։
Մոհաջերանիի խոսքով՝ ավելի ճշգրիտ թվեր կհրապարակվեն ավելի ուշ՝ բազմափուլ գործընթացից հետո։ Առաջինը կլինի շենքերին հասցված վնասի գնահատումը, իսկ երկրորդը՝ բյուջետային եկամուտների կորստի և արդյունաբերական փակման ազդեցության վերլուծությունը։
Կառավարության խոսնակը նշել է, որ իրանական բանակցային թիմը քննարկում է նաև Միացյալ Նահանգներից Իրանին պատերազմական փոխհատուցման հարցը։ Այս հարցը քննարկվել է անցյալ շաբաթ Իսլամաբադում կայացած բանակցությունների ժամանակ։
Ավելի վաղ Իրանի գերագույն առաջնորդ Մոջթաբա Խամենեին հայտարարել էր, որ Իրանը պահանջում է փոխհատուցում ԱՄՆ-ի և Իսրայելի հարձակումների պատճառած վնասի և զոհերի համար։ Գերագույն առաջնորդի խոսքով՝ Իրանը «չի ձգտել ու չի ձգտում պատերազմի», բայց ոչ մի պարագայում չի հրաժարվի իր օրինական իրավունքներից։