Русский
Արխիվային լուսանկար
Ուկրաինայի նախագահ Վոլոդիմիր Զելենսկին և Մեծ Բրիտանիայի վարչապետ Քիր Սթարմեր միասին հեռախոսազրույց են ունեցել եվրոպացի առաջնորդների հետ։
Քննարկմանը մասնակցել են Ֆինլանդիայի, Իտալիայի, Լեհաստանի, Նորվեգիայի, Նիդեռլանդների, Դանիայի, Շվեդիայի և Թուրքիայի ներկայացուցիչները։ Քննարկման հիմնական թեմաներն են եղել Ուկրաինայի օդային պաշտպանության ամրապնդումը, PURL նախաձեռնությանը ներդրումը և էներգետիկ աջակցությունը։ Մասնակիցները վերահաստատել են իրենց ընդհանուր դիրքորոշումը ապագա եվրոպական անվտանգության համակարգում «Կամավորների կոալիցիայի» կարևոր դերի վերաբերյալ։
Ավելի ուշ Բրյուսելում Զելենսկին հանդիպումներ է ունեցել ՆԱՏՕ-ի գլխավոր քարտուղար Մարկ Ռյուտեի, Եվրոպական խորհրդի նախագահ Անտոնիու Կոշտայի և Եվրոպական հանձնաժողովի նախագահ Ուրսուլա ֆոն դեր Լայենի հետ։ Կողմերը քննարկել են Միացյալ Նահանգների հետ դիվանագիտական աշխատանքը՝ կայուն և արդար խաղաղության հասնելու համար, ինչպես նաև շրջանակային փաստաթղթում Ուկրաինայի ԵՄ-ին անդամակցության հստակ ամսաթիվ ներառելու անհրաժեշտությունը։