Սաուդյան Արաբիան թույլ չի տվել իր օդային տարածքով իրականացնել հարձակողական ռազմական գործողություններ և պաշտպանում է Պարսից ծոցում հակամարտության լիցքաթափումը, հայտնել է «Al Arabiya»-ն՝ հղում անելով Սաուդյան Արաբիայի բարձրաստիճան աղբյուրին:

Աղբյուրը նշել է, որ թագավորության իշխանությունները «թույլ չեն տվել օգտագործել իր օդային տարածքը հարձակողական ռազմական գործողությունների համար»: Նա հավելել է, որ «որոշ կողմեր, կասկածելի պատճառներով, ներկայումս փորձում են ստեղծել Ռիադի դիրքորոշման աղավաղված պատկեր»: «Ալ Արաբիայի» աղբյուրը նաև ընդգծել է, որ Սաուդյան Արաբիան «ձգտում է լիցքաթափման և աջակցում է Պակիստանի ջանքերին՝ հասնելու պատերազմին վերջ դրող համաձայնության»:

Իր հերթին, Սաուդյան Արաբիայի հանրային դիվանագիտության գծով արտաքին գործերի փոխնախարար Ռաեդ Քրիմլին կոչ է արել անվստահություն հայտնել լրատվամիջոցների ենթադրություններին: «Թագավորությունը շարունակում է պահպանել լիցքաթափմանը աջակցելու, էսկալացիան կանխելու և բանակցություններին ու դրան առնչվող ջանքերին նպաստելու իր դիրքորոշումը: Անանուն աղբյուրներին վերագրվող տեղեկատվությունը, այդ թվում՝ ենթադրաբար սաուդյան աղբյուրներին, պետք է զգուշությամբ վերաբերվել, եթե այն հակասում է դրան», - գրել է դիվանագետն X-ում: