Ռուսաստանի նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիեւի հետ։

Պուտինը շնորհակալություն է հայտնել Ալիեւին Իրանից Ռուսաստանի քաղաքացիների տարհանման կազմակերպման, նաև Ռուսաստանից Իրանի ժողովրդին Ադրբեջանի տարածքով մարդասիրական օգնության մատակարարման գործում ցուցաբերած օգնության համար։

Մերձավոր Արևելքում ստեղծված իրավիճակի վերաբերյալ մտքերի փոխանակման ընթացքում առաջնորդները հայտնել են իրենց աջակցությունը ռազմական գործողությունների արագ դադարեցմանը և ներկայիս սուր հակամարտության քաղաքական և դիվանագիտական ​​միջոցներով կարգավորմանը։

Քննարկվել են երկկողմ օրակարգի մի շարք արդիական ասպեկտներ։ Նրանք վերահաստատել են իրենց հանձնառությունը՝ ռազմավարական գործընկերության և դաշինքի սկզբունքների հիման վրա տարբեր ոլորտներում ռուս-ադրբեջանական համագործակցությունը շարունակելու հարցում։