Խոշոր ավտովթար է տեղի ունեցել Լոռու մարզում․ Սպիտակ-Վանաձոր ավտոճանապարհին բախվել են «ՎԱԶ 2107» մակնիշի մարդատար ավտոմեքենան և «ГАЗель» մակնիշի բեռնատարը։

Ինչպես հայտնում է ֆոտոլրագրող Գագիկ Շամշյանը, վթարի հետևանքով «ՎԱԶ 2107»-ի վարորդը և նրա ուղևորը, ինչպես նաև «ГАЗель»-ի ուղևորը մարմնական վնասվածքներով տեղափոխվել են «Սպիտակ» բժշկական կենտրոն, որտեղից տուժած վարորդին ռեանիմոբլիով տեղափոխել են Երևանի մասնագիտացված հիվանդանոցներից մեկը։

Վթարի փաստով նախաձեռնվել է քրեական վարույթ։