Դեկտեմբերի 20-ին, ավտովթար է տեղի ունեցել Լոռու մարզում։ Ժամը 15։00-ի սահմաններում Վանաձոր-Սպիտակ ավտոճանապարհի սկզբնամասում բախվել են  67-ամյա Նիկոլայ Շ․-ի վարած «Citroën» մակնիշի և 31-ամյա Աշոտ Ղ․-ի վարած «Opel Astra» ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով ըստ նախնական տեղեկությունների, բարեբախտաբար տուժածներ չկան։

Վթարի փաստով ՊԾ Լոռու մարզի գումարտակում փաստաթղթեր են կազմվում։