Այսօր՝ հունվարի 15-ին, Եվրո 2026-ին պատրաստվող ֆուտզալի Հայաստանի ազգային հավաքականը անցկացրեց վերջին ընկերական հանդիպումը։

ՀՖՖ Տեխնիկական կենտրոն/Ֆուտբոլի ակադեմիայում Ռուբեն Նազարեթյանի գլխավորած թիմը 8-3 հաշվով առավելության հասավ Լիբանանի հավաքականի նկատմամբ։

Մեր ընտրանին ուսումնամարզական հավաքը կշարունակի մինչև հունվարի 18-ը։ Եվրոպայի առաջնության առաջին խաղը Հայաստանի ազգային հավաքականը կանցկացնի հունվարի 22-ին՝ Ուկրաինայի դեմ։ Հունվարի 25-ին Ռուբեն Նազարեթյանի թիմը կհանդիպի Չեխիային, իսկ հունվարի 28-ին՝ Լիտվային։