Ուկրաինայում հարկադիր զորահավաքը շուտով կհասնի նաև կանանց, հայտարարել է Ռուսաստանի արտաքին գործերի նախարար Սերգեյ Լավրովը։

«Դուք պարբերաբար տեսնում եք կադրեր, որոնք ցույց են տալիս այսպես կոչված «մարդաորսորդների» գործողությունները. նրանք Կիևի և ուկրաինական այլ քաղաքների փողոցներում հավաքում են երիտասարդներին (և ոչ միայն երիտասարդներին) ու քարշ տալով նստեցնում տրանսպորտային միջոցներ՝ առանց որևէ ծանուցագրի կամ զորահավաքի պաշտոնական ընթացակարգերի հարկադրաբար ուղարկելով ռազմաճակատ։ Կասկած չունեմ, որ շուտով հերթը կհասնի նաև կանանց», - ասել է Լավրովը՝ ելույթ ունենալով Ուկրաինայում տիրող իրավիճակի վերաբերյալ դեսպանների մասնակցությամբ կայացած կլոր սեղանի ժամանակ։

- Ռուսաստանը ցանկանում է ավարտել Ուկրաինայում ընթացող հակամարտությունը։ Մոսկվան միշտ պատրաստ է Ուկրաինայի հարցով բանակցությունների. նա երբեք չի ձգձգել դրանք, չի փորձել բարդացնել կամ փոխել իր դիրքորոշումը դրանց ընթացքում։ Ռուսաստանը պատրաստ է ողջամիտ փոխզիջումներ փնտրել Ուկրաինայի հարցով, սակայն չի հանդուրժի ՆԱՏՕ-ի ներկայությունն իր սահմանների մոտ։

- Եվրոպական որոշ երկրներ առաջարկել են Ռուսաստանի հետ ոչ հրապարակային կապի ուղիներ հաստատել. Մոսկվան երբեք չի հրաժարվել նման շփումներից։ Ուկրաինական ճգնաժամը կարող էր լուծվել դեռ մեկ տարի առաջ, եթե ԱՄՆ-ը չհրաժարվեր Ալյասկայի գագաթնաժողովում ձեռք բերված պայմանավորվածություններից։