Իմ այցը Հայաստան հնարավոր է, եթե Ադրբեջանի ազգային շահերը դա պահանջեն, ասել է Ադրբեջանի արտաքին գործերի նախարար Ջեյհուն Բայրամովը։

Բայրամովը նաև խոսել է Գազայում միջազգային կայունացման ուժերին ադրբեջանական զորքերի մասնակցության վերաբերյալ։

«Որոշում չկա»,- ասել է Ադրբեջանի ԱԳ նախարարը տարվա ամփոփիչ մամուլի ասուլիսին։

«Շատ բաց հարցեր են մնում. ինչպիսի՞ն կլինի կայունացման ուժերի գործունեության մեխանիզմը, ինչպիսի՞ն կլինի դրանց մանդատի առանձնահատկությունները, դրանց տևողությունը, այլ երկրների մասնակցությունը և արդյոք խաղաղության ծրագիրն ամբողջությամբ ընդունվել է։ Կարող եմ շարունակել այս ցանկը։ Ցավոք, մենք այս թեմաների վերաբերյալ մեր հարցերի պատասխանները չենք ստացել։ Հետևաբար, մեր ունեցած սահմանափակ տեղեկատվությունը անհնար է դարձնում որոշում կայացնել այս հարցի վերաբերյալ։ Ինչ վերաբերում է Գազայում վերականգնման և վերակառուցման հարցերին, մենք որևէ հարցում չենք ստացել։ Եթե նման հարցում ներկայացվի, մենք, իհարկե, կքննարկենք այն», - նշել է Ադրբեջանի արտգործնախարարը։