Microsoft-ի համահիմնադիր Բիլ Գեյթսի կարծիքով՝ արհեստական ​​բանականությունը կարող է հանգեցնել մարդկության զգալի մասի մահվան։

«Կասկած չկա, որ արհեստական ​​բանականությունը բավականաչափ հզոր է՝ հրահրելու այնպիսի իրադարձություններ, որոնք կարող են հանգեցնել մեկ միլիարդ մարդու մահվան», - հայտարարել է միլիարդատերը «NBC News»-ի եթերում՝ պատասխանելով արհեստական ​​բանականության մշակողների կողմից մարդկության ոչնչացման վտանգի վերաբերյալ վերջերս հնչեցված նախազգուշացումների մասին հարցին։

Գեյթսը կարծիք է հայտնել, որ պատմության մեջ երբեք չի եղել «այնպիսի հզոր զենք, ինչպիսին արհեստական ​​բանականության վերջին գործիքներն օգտագործող չարամիտ մարդիկ են»։ Նա նշել է, որ ամբողջ մարդկության ոչնչացումը «բավականին դժվար կլիներ»։

Հաշվի առնելով այս լուրջ ռիսկերը՝ 70-ամյա գործարարը հանդես է եկել տեխնոլոգիայի օրենսդրական կարգավորման օգտին։ Նա հայտարարել է, որ Վաշինգտոնի կողմից համապատասխան օրենքների ընդունումը խիստ անհրաժեշտ է։ Գեյթսը կոչ է արել գործադիր իշխանության ներկայացուցիչներին և օրենսդիրներին համաձայնության գալ տեխնոլոգիայի անվտանգության պարտադիր միջոցառումների և վերահսկողության շուրջ՝ հավելելով․ «Ոչ ոք չի հավատում, որ ինքնակարգավորումը բավարար կլինի»։

Ավելի վաղ արհեստական ​​բանականության ոլորտի առաջատար մշակողները՝ մասնավորապես Anthropic-ը և OpenAI-ը (ChatGPT-ի ստեղծողը), կոչ էին արել դանդաղեցնել արհեստական ​​բանականության զարգացման տեմպերը։