Ճապոնիան 50 տարվա ընթացքում առաջին անգամ զենք կմատակարարի հարևան երկրներին։ Կառավարությունը փոփոխություններ է կատարել համապատասխան կանոնակարգերում։

«Մեր երկրում և տարածաշրջանում խաղաղությունը պաշտպանելու համար անհրաժեշտ է խթանել զենքի արտահանումը և բարձրացնել դաշնակից երկրների պաշտպանական կարողությունները», - մամուլի ասուլիսի ժամանակ հայտարարել է նախարարների կաբինետի գլխավոր քարտուղար Մինորու Կիհարան։

Նա նշել է, որ որոշումը կայացվել է Ճապոնիայի սեփական անվտանգությունն ապահովելու համար։

Քաղաքականության մեծ փոփոխության շրջանակներում Տոկիոն այժմ վերացրել է ռազմական տեխնիկայի արտահանման սահմանափակումները՝ ոչ մահացու զենքի հինգ կատեգորիաներով, ինչը հիմք է հանդիսացել լետալ զենքի արտահանման համար։ Սկզբնապես, դեռևս 1967 թվականին, Ճապոնիայի այն ժամանկվա վարչապետ Էյսակու Սատոն սահմանել էր «զենքի արտահանման երեք սկզբունքները», որոնք արգելում էին զենքի վաճառքը միայն կոմունիստական ​​երկրներին։ Տասը տարի անց՝ 1976 թվականին, Ճապոնիայի վարչապետ Մուցուկո Միկին, որը առաջ էր քաշել խաղաղության քաղաքականություն, հաստատել էր զենքի բոլոր տեսակների արտահանման արգելքը։