Իրանի արտաքին գործերի նախարար Աբբաս Արաղչին գրել է․ «Մակրոնը ոչ մի բառ չի ասել դատապարտելու  Իրանի դեմ իսրայելաամերիկյան պատերազմը: Նա չդատապարտեց Իսրայելին, երբ այն պայթեցրեց Թեհրանի վառելիքի պահեստը՝ միլիոնավոր մարդկանց ենթարկելով տոքսինների ազդեցությանը: Նրա ներկայիս «մտահոգությունը» չի հետևել Իսրայելի կողմից մեր գազային օբյեկտների վրա հարձակումից: Այն հետևում է մեր հակադարձմանը: Ցավալի՛ է»։

Ավելի վաղ Ֆրանսիայի նախագահ Էմմանուել Մակրոնը գրել էր․

«Ես հենց նոր խոսեցի Կատարի էմիրի և նախագահ Թրամփի հետ՝ այսօր Իրանում և Կատարում գազի արտադրության օբյեկտներին ուղղված հարվածներից հետո։

Մեր ընդհանուր շահերից է բխում անհապաղ դադարեցնել քաղաքացիական ենթակառուցվածքների, մասնավորապես՝ էներգետիկայի և ջրամատակարարման օբյեկտների վրա հարվածները։ Քաղաքացիական բնակչությունը և նրանց կենսական կարիքները, ինչպես նաև էներգետիկ մատակարարումների անվտանգությունը պետք է պաշտպանված լինեն ռազմական էսկալացիայից»