Համաշխարհային տնտեսական ֆորումի կազմակերպիչները քննարկում են միջոցառման անցկացման վայրը Դավոսից Եվրոպական Միության կամ Միացյալ Նահանգների որևէ քաղաք տեղափոխելու կամ ռոտացիայով տարբեր վայրերում անցյացնելու հնարավորությունը, հայտնել է «Financial Times»-ը՝ հղում անելով աղբյուրներին։

ՀՏՖ կազմակերպիչները կարծում են, որ միջոցառումը չափսերո գերազանցում է Դավոսում իր ավանդական ալպյան վայրը։

Ֆորումի ժամանակավոր համանախագահ, ամերիկյան BlackRock ներդրումային ընկերության գործադիր տնօրեն Լարի Ֆինկը «անձնական զրույցում քննարկել է այնպիսի տարբերակներ, ինչպիսիք են գագաթնաժողովը Դավոսից տեղափոխելը կամ վայրերի փոփոխության օգտագործումը»։ Քննարկված քաղաքների թվում են եղել Դետրոյթն ու Դուբլինը։

Ֆինկը նպատակ ունի «բարեփոխել ֆորումը, որը լայնորեն քննադատվել է չափազանց էլիտար և իրականությունից կտրված լինելու համար», պնդելով, որ այն չպետք է սահմանափակվի միայն միջոցառմանը սովորաբար մասնակցող քաղաքական և գործարար առաջնորդներով, հայտնել են աղբյուրները։