Սերբիայում մեկնարկեց ֆուտբոլի կանանց Եվրոպայի մինչեւ 19 տարեկանների առաջնության նախընտրական փուլը։ Առաջին խաղում Հայաստանի Մ-19 հավաքականը 0։3 հաշվով պարտվեց Սերբիայի հասակակիցներին, հաղորդում է ՀՖՖ-ի կայքը։  Մարիամ Ստեփանյանի գլխավորած թիմը B1 խմբում է, որտեղ ընդգրկված են նաև Չեռնոգորիայի ու Կիպրոսի հավաքականները։ Չեռնոգորիայի թիմը 3։1 հաշվով հաղթել է Կիպրոսի թիմին։

Կանանց Հայաստանի Մ-19 հավաքականը հաջորդ հանդիպումը կանցկացնի նոյեմբերի 29-ին։ Մրցակիցը Չեռնոգորիայի հավաքականն է։