Русский
Թուրքիան աշխատում է Եվրամիության հետ կապերը զարգացնելու ուղղությամբ, մասնավորապես՝ Մաքսային միության թարմացման և վիզային ռեժիմի ազատականացման հարցի լուծման ուղղությամբ, սակայն դաշինքը չունի քաղաքական կամք՝ Թուրքիային որպես անդամի ընդունելու, նույնիսկ եթե Անկարան բավարարի պահանջվող պայմանները, ասել է Թուրքիայի արտաքին գործերի նախարար Հաքան Ֆիդանն Ավստրիայի եվրոպական և միջազգային հարցերով դաշնային նախարար Բեատե Մայնլ-Ռեյզինգերի հետ համատեղ մամուլի ասուլիսի ժամանակ։
Ֆիդանը նշել է, որ Թուրքիայի ԵՄ անդամակցության գործընթացը կախված է ոչ միայն տեխնիկական պահանջների բավարարումից, այլև դաշինքի ներսում առկա քաղաքական կամքից։
«Սարկոզին վերջ դրեց դրան դեռևս 2007 թվականին։ Մենք շատ լավ հարաբերություններ ունենք առանձին եվրոպական երկրների հետ։ Սակայն, ԵՄ-ի հետ ընդհանուր առմամբ, իրավիճակը տարբեր է։ Կա համագործակցության անհավանական ներուժ. մենք պարզապես պետք է գործողություններ ձեռնարկենք», - ընդգծել է Թուրքիայի արտգործնախարարը։
Նրա դիտարկումները հնչել են այն ժամանակ, երբ Անկարան շարունակում է առաջընթաց փնտրել ԵՄ-ի հետ իր հարաբերություններում, այդ թվում՝ Մաքսային միության և վիզային ռեժիմի ազատականացման հարցում։