Ատոմային էներգիայի միջազգային գործակալության տեսուչներն «անպայման» կայցելեն Իրանի միջուկային օբյեկտներ, ասել է ՄԱԿ-ի վերահսկիչ կառույցի ղեկավար Ռաֆայել Գրոսսին։

«Ես հասկանում եմ քաղաքական հայտարարությունները. դրանք իրականության մի մասն են, բայց գլխավորը, որ ես կցանկանայի հիշեցնել, այն է, որ երկու նախագահների կողմից էլ ստորագրվել է փոխըմբռնման հուշագիր», - Ֆուկուսիմա Դաիչի ատոմակայանում մամուլի ասուլիսի ժամանակ ասել է գործակալության տնօրենը։

Գրոսսիի խոսքով՝ համաձայնագիրը «բացահայտորեն սահմանում է», որ Իրանի միջուկային նյութերի հետ կապված գործունեությունը կլինի ԱԷՄԳ-ի վերահսկողության ներքո ամբողջությամբ և առանց բացառության։

«Ակնհայտ է, որ դա իրականացնելու համար մենք պետք է ստուգումներ անցկացնենք։ Կարևոր է, բայց ոչ վճռորոշ։ Դա անպայման տեղի կունենա», - ընդգծել է նա։