Իսրայելական «Channel 12» հեռուստաալիքի հաղորդմամբ՝ Իսրայելի Դիմոնա քաղաքում Իրանի կողմից հրթիռային հարվածի հետևանքով վիրավորվել է քառասունյոթ մարդ։

Վիրավորների թվում կա 12-ամյա մի տղա, որի վիճակը գնահատվում է ծանր։ Եվս 31 մարդ թեթև վնասվածքներ է ստացել։

Մարտի 21-ին Իրանը հայտնել է Դիմոնա քաղաքի վրա հարվածի մասին։ Այս քաղաքը գտնվում է Իսրայելի հարավում՝ Նեգևի անապատում և հայտնի է նրանով, որ այնտեղ է գտնվում երկրի հիմնական միջուկային օբյեկտը։ Իրանի իշխանությունները զգուշացրել են Դիմոնայի միջուկային ռեակտորը հարձակվելու մտադրության մասին, եթե երկու երկրների միջև ռազմական լարվածությունը սրվի։

Ynet պորտալի հաղորդմամբ՝ իսրայելական կործանիչը պետք է որսեր Դիմոնային ուղղված իրանական հրթիռը։ Սակայն նախնական հաղորդագրությունները ցույց են տալիս, որ սխալ է տեղի ունեցել, և հրթիռը չի խոցվել։ Իսրայելի պաշտպանության ուժերը (IDF) ներկայումս հետաքննում են միջադեպը։