Ryanair ընկերության Սալոնիկից (Հունաստան) դեպի Մեմինգեն (Գերմանիա) չվերթ կատարող ինքնաթիռի պատուհանը թռիչքի ժամանակ կոտրվել է, որի հետևանքով մեկ ուղևոր վիրավորվել է, հաղորդել է «ERT-News»-ը՝ հղում անելով ավիաընկերության մամուլի ծառայությանը։

Դեպքից հետո ինքնաթիռը վերադարձել է Սալոնիկ, և բոլոր ուղևորները տեղափոխվել են տերմինալ։ Վիրավոր ուղևորը տեղում ստացել է բժշկական օգնություն։ Կարճ ժամանակ անց ժամանակավոր ինքնաթիռ է մեկնել Մեմինգեն։

Ականատեսների խոսքով՝ թռիչքից մի քանի րոպե անց սրահում բարձր ձայն է լսվել, պատուհանը կոտրվել է, և նրա կողքին նստած 60-ամյա ուղևորը կիսով չափ դրսում է եղել։ Մոտակա մարդկանց հաջողվել է նրան պահել օդանավի ներսում։

Ըստ աղբյուրի՝ շարժիչի դետալ է դուրս նետվել, հարվածել պատուհանին և կոտրել այն։