ԱՄՆ վարչակազմը ուսումնասիրում է ռազմաբազաների և Պենտագոնի այլ օբյեկտների տակ եղած նավթի պաշարներից օգտվելու հնարավորությունը ռազմավարական նավթային պաշարները համալրելու համար, հաղորդել է Bloomberg-ը՝ հղում անելով աղբյուրներին։

Աղբյուրների համաձայն, վարչակազմը քննարկում է այս քայլը՝ որպես Իրանի հետ զինված հակամարտության հետևանքով սպառված ռազմավարական նավթային պաշարները համալրելու ուղիների որոնման մաս։ Ռազմական բազաներում նավթի արտադրությունը անմիջական ազդեցություն չի ունենա էներգակիրների գների աճի վրա, սակայն դա թույլ կտա Վաշինգտոնին լիովին կառավարել արտադրված վառելիքը և չապավինել մասնավոր արտադրողներից գնումներին։

ԱՄՆ երկրաբանական ծառայության տվյալներով՝ 2025 թվականի դրությամբ Պենտագոնի և այլ գերատեսչությունների սեփականություն հանդիսացող ԱՄՆ դաշնային հողերում կա մոտավորապես 29.4 միլիարդ բարել նավթ և 391 տրիլիոն խորանարդ ոտնաչափ (մոտ 11 տրիլիոն խորանարդ մետր) բնական գազի պաշար։