Սիրիայի մայրաքաղաք Դամասկոսում հյուրանոցի մոտ, որտեղ տեղակայվել է Ֆրանսիայի նախագահ Էմմանուել Մակրոնը, մեքենա է պայթեցվել։

Մակրոնը լքել էր տարածքը միջադեպից որոշ ժամանակ առաջ։

Մակրոնն առաջին արևմտյան առաջնորդն է, որն այցելել է Սիրիա 2024 թվականից ի վեր։ Եվրոպական Միության ավելի լայն ղեկավարության շրջանակներում` Եվրոպական հանձնաժողովի նախագահ Ուրսուլա ֆոն դեր Լեյենը և Եվրոպական խորհրդի նախագահ Անտոնիու Կոշտան 2026 թվականի հունվարին էին մեկնել Դամասկոս՝ Բաշար ալ-Ասադի հեռացումից հետո Սիրիայի առաջնորդ Ահմեդ ալ-Շարաայի հետ հանդիպելու համար։

Ֆրանսիայի նախագահ Էմանուել Մակրոնի Դամասկոս կատարած այցի ընթացքում Սիրիայի մայրաքաղաքում բազմիցս լսվել են պայթյունների ձայներ։ Պայթյուններից հետո տարածքի ճանապարհները փակվել են երթևեկության համար, և անվտանգության ուժերը ձեռնարկել են լայնածավալ նախազգուշական միջոցներ։

Սիրիական պետական ​​հեռուստատեսությունը հաղորդել է, որ Դամասկոսում պայթյունների լսվելուց հետո Սիրիայի նախագահ Ահմեդ ալ-Շարաան նախագահական պալատում ընդունել է Ֆրանսիայի նախագահ Էմանուել Մակրոնին։ Ելիսեյան պալատից ստացվել է առաջին հայտարարությունը։ Հայտարարության մեջ ասվում է, որ Մակրոնը որևէ պայթյուն չի լսել և չի տուժել։

Պայթյունների պատճառների կամ հնարավոր զոհերի վերաբերյալ իշխանությունների կողմից պաշտոնական հայտարարություններ չեն եղել։